ВЕНОТЕКС
ВЕНОТЕКС

  • АТС коди : С05СА53
  • ХПН : диосмин, гесперидин
  • Дори шакли : плёнка қобиқ билан қопланган таблеткалар
  • Фармакотерапевтик гуруҳи : Сурункали веноз етишмовчилигини даволаш учун восита.

Фойдаланиш бўйича кўрсатмалар

ВЕНОТЕКС

Фармакологик хусусиятлари
Венотекс ўз таркибида гесперидиннинг диосмин билан мажмуасини сақлайди ва веналарни тонусловчи ҳамда ангиопротектив хусусиятларга эга.
Препарат веналар чўзилувчанлиги ва веналар димланишини камайтиради, микроциркуляцияда – капиллярлар ўтказувчанлигини пасайтиради ва уларнинг чидамлилигини оширади, веналар гемодинамикасини яхшилайди Қуйидаги плетизмографик кўрсаткичларга таъсир кўрсатади: веналар ҳажми, веналар чўзилувчанлиги, веналарнинг бўшашиш вақти.
“Доза-самара” мақбул нисбати 2 таблетка қабул қилинганда кузатилади.
Венотекс веналар бўшашиш вақтининг камайиши ҳисобига веналар тонусини оширади. Микроциркуляциянинг яққол бузилишлари белгиларига эга беморларда капилляр чидамлиликнинг ошиши кузатилади.
Венотекс препарати оёқлар веналарининг сурункали касалликларини даволашда, шунингдек бавосилни даволашда самарадор.

 Қўлланилиши
Венотекс веналарнинг сурункали касалликлари симптомларини муолажа қилишда қўлланилади (симптомларни бартараф этиш ва енгиллаштириш).
Вена-лимфа етишмовчилиги симптомларини муолажа қилиш:
- оғриқ;
- оёқлар тиришиши;
- оёқларда оғирлик ҳисси ва шишлар;
- оёқлардаги «чарчоқ».

Вена-лимфа етишмовчилиги аломатларини муолажа қилиш:
- оёқлар шиши;
- тери ва тери ости клетчаткасининг трофик ўзгаришлари;
- веналарнинг трофик яралари.
Ўткир ва сурункали бавосилнинг симптоматик муолажаси.

 Қўллаш усули ва дозалари
Овқатланиш вақтида ичга қабул қилинсин.
Вена-лимфа етишмовчилигида тавсия қилинган доза – суткада 2 таблетка (бир ёки икки маҳал қабул қилиш билан): эрталаб, кундузи ва/ёки кечқурун.
Даволаниш курси давомийлиги бир неча ойни ташкил қилиши мумкин (ҳатто 12 ойгача). Симптомлар такрорий пайдо бўлган ҳолатда, шифокор тавсиясига кўра, даволаниш курси такрорланиши мумкин.
Ўткир бавосилда тавсия қилинган доза– суткада 6 таблетка: 3 таблеткадан эрталаб ва 3 таблеткадан кечқурун 4 кун давомида, сўнгра суткада 4 таблеткадан: 2 таблеткадан эрталаб ва 2 таблеткадан кечқурун кейинги 3 кун давомида.
Сурункали бавосилда тавсия қилинган доза– суткада 2 таблетка (бир ёки икки маҳал қабул қилиш билан).