Компания хакида

“NIKA PHARM” МЧЖ фармацевтик корхонаси 2006 йил 5 июлда ташкил топган. Корхона дори воситалари ишлаб чиқарувчиси ҳисобланади. "NIKA PHARM" компанияси республикамизнинг фармацевтика бозорида фаолият юрита бошлаганидан бери, ўзини аҳолининг кенг қатламларига мўлжалланган юқори сифатли талабга жавоб берадиган маҳсулотлар ишлаб чиқарадиган корхона сифатида намоён этди.



Корхона ўз олдига сифат бўйича халқаро стандартларга мувофиқ бўлишни мақсад қилиб қўйган. Шундай қилиб, "NIKA PHARM" 2009 йилнинг сентябрь ойида Ўзбекистон Республикаси фармацевтика саноатидаги ISO 9001: 2008 стандартининг янги тахрири бўйича Германиянинг TUV Turinger харқаро компанияси томонидан сертификатланган биринчи ишлаб чиқариш корхонаси бўлди.

2012 йили “NIKA PHARM” компанияси республикамизда биринчилардан бўлиб GMP миллий стандарт сертификатига эга бўлди, 2018 йили эса стандартнинг янги O'z Dst 2766:2018 версиясига мувофиқлигини тасдиқлади.


Сифат. Самарадорлик. Хавфсизлик.


Дори воситаларини ишлаб чиқариш ўз ичига дори воситаларини ишлаб чиқаришнинг нотўлиқ цикли (якуний босқичлар: “in-bulk” хомашёсини қадоқлаш, маркалаш ва ўрамларга жойлаш) ва дори воситалари ва фаол биологик қўшимчаларни ишлаб чиқаришнинг тўлиқ циклини – субстанциялар ва қўшимча моддалардан таблеткалар, капсулалар, саше-пакетлар ва спрейларни (пуркама дори воситалари) ишлаб чиқаришни ўз ичига олади.

“NIKA PHARM” МЧЖ ишлаб чиқариш майдони учта цехдан иборат бўлиб, ундан иккитаси (№1 ва №3 цехлар) O’zDST 2766:2018 талаблари бўйича сертификатланган.

1-цех фаолияти: қаттиқ дори воситаларини (таблеткалар ва капсулалар) қадоқлаш ва ўрамга жойлаш, саше-пакетларни ўрамга жойлаш, ёрлиқлар ёпиштириш ва спрейларни (пуркама дори воситалари) ўрамга жойлаш.

2 ва 3-цехлар фаолияти: қаттиқ дозаланган дори воситалари ва фаол биологик қўшимчаларни; кукунларни (саше-пакетчаларни) ва суюқ дори воситаларини (спрейларни) ишлаб чиқариш.

Таблеткалар, капсулалар, саше-пакетчалар ва спрейларни (пуркама дори воситалари) ишлаб чиқаришнинг технологик жараёни қуйидаги босқичлардан иборат:
  • Таблеткалар/капсулалар/саше-пакетчаларни ишлаб чиқариш учун гранулали кукунлар ишлаб чикариш
  • Спрейлар учун эритма тайёрлаш
  • Таблеткалаш/капсулалаш/қуйиш
  • Таблеткаларни қобиқ билан ўраш
  • Таблеткаларни/капсулаларни/гранулаларни қадоқлаш
  • Спрейлар/ёрлиқлар ёпиштириш
  • Ўрамга жойлаш

Дори воситаларини (таблеткаларни, капсулаларни ва саше-пакетчаларни) ишлаб чиқаришнинг технологик жараёни Ҳиндистонда ишлаб чиқарилган, “Chitra machineries pvt ltd.” и “Karnavati machines ltd.” Италиянинг “IMA” фирмаларига тегишли бўлган жиҳозларда амалга оширилади.

Амалдаги технологик ускуналар тоифалаш тартибидан ўтган, бу эса маҳсулотларни Норматив ҳужжатлар талабларига мувофиқлигини кафолатлайди. Тайёр маҳсулотлар доимий равишда бир хил назорат остида бўлган шароитларда, тоифалаш вақтидаги каби белгиланган тартибда ишлаб чиқарилган.

Омборхоналар


Субстанциялар, қўшимча моддалар, “in-bulk” хомашёси, қадоқлаш материаллари ва босма маҳсулотлар, сотишга рухсат берилган тайёр маҳсулотларни сақлаш омборхоналарда амалга оширилади. Маҳсулотларни сақлашни таъминлаш бўйича талабларга риоя қилинади. Омборлар Хавфсизлик хизмати ходимлари томонидан қўриқланади, омборларда сақлаш шароитлари термоэлектрон гигрометрлар ёрдамида назорат қилинади ва шамоллатиш ҳамда кондиционер тизими ёрдамида сақлаб турилади.

Субстанциялар, қўшимча моддалар, “in-bulk” хомашёси, қадоқлаш материаллари ва босма маҳсулотлар омборларида асосий ва карантин сақлаш ҳудудлари кўзда тутилган.

Тайёр маҳсулотлар омборида термолабил маҳсулотларни сақлаш жойлари мавжуд. Келган товарлар токчаларда ва поддонларда сақланади ва баландлиги 1,5 метрдан ошмайди. Маҳсулотлар ахборот варақалари ёрдамида аниқланган.


Лабораторные исследования

“NIKA PHARM” МЧЖнинг назорат-таҳлилий синов лабораторияси техник ваколат учун аккредитациядан ўтган (O’z DSt ISO/IEC 17025:2007 стандарти талабларига мувофиқлик аккредитацияси тўғрисидаги гувоҳнома 11.01.2010 йилдаги № UZ.AMT.07.MAI. 754) ва ҳар йили O’z DSt ISO/IEC 17025:2007 стандарти талабларига мувофиқликни тасдиқлатади (Кенгашнинг аккредитация бўйича буйруғи № ИН-126 от 19.06.2015г.)

СНБ (сифат назорати бўлими):

  • “In-bulk” хомашёси, субстанциялар ва ёрдамчи материалларнинг кириш назорати. Хомашё таҳлили НД (меъёрий хужжатлар) бўйича амалга оширилади, сўнгра эса синовлар баённомаси тузилади.
  • Сотиб олинадиган лаборатория ускуналари назорати шартнома спецификацияси бўйича, паспортига (ускунани эксплуатация қилиш бўйича қўлланма) кўра ва қадоқлаш варағига мувофиқ ускунанинг кириш назорати баённомаси тузиш билан амалга оширилади.
  • Бирламчи ва иккиламчи қадоқлаш материаллари ва босма маҳсулотларнинг: ПВХ плёнкалар, алюминий фолгаларнинг НД (меъёрий хужжатлар) ва ички хусусиятга мувофиқлиги кириш назорати.
  • Ҳаво ва ишлаб чиқариш хоналарининг микробиологик озодалиги, “тоза” шароитда ишлайдиган ишлаб чиқариш ходимларининг технологик кийимлари ва қўлларини ювишини назорат қилиш.
  • Архив намуналарининг барқарорлигини назорат қилиш.
  • Хомашё ва материаллар, орадиқ ва тайёр маҳсулотлардан намуналар олиш ва НД (меъёрий хужжатлар) га мувофиқлиги бўйича физик-кимёвий ва микробиологик таҳлилларни ўтказиш.

СНБ ҳужжатлари тизими O'z DSt ISO / IEC 17025: 2007 стандарти талаб этадиган ҳужжатлар ва корхонанинг сифат менежменти тизимининг талабига биноан ишлаб чиқилган, ички ҳужжатлар асосида тўлдирилади.

Кайдзен тизими


“NIKA PHARM” МЧЖнинг ишлаб чиқаришида Кайдзен япон тизими ишлайди.

"Kayzen" сўзи яхшиланиш учун ўзгариш деган маънони англатади. Кайдзен фалсафаси доимий ривожланишга қаратилган. Бундан ташқари, корхонамизнинг барча ходимлари доимий ривожланиш жараёнида иштирок этишади, бу эса бизга барча даражадаги жараёнларни доимий равишда такомиллаштириш ва оптималлаштиришга имкон беради. Шунингдек, Kayzen амалиёти ишлаб чиқарилаётган маҳсулот сифатини пасайтирмасдан, иш унумдорлигини ошириш, жараённи бажариш муддатини қисқартириш, харажатларни камайтириш, ходимлар учун қулайликни ошириш ва уларда ижодий кўникмаларни ривожлантириш, сифатсиз маҳсулотларни камайтириш ва ходимларнинг самарадорлигини ошириш каби натижаларга эришиш мумкинлигини кўрсатди.